دجاجة محمرة بمريقة خاترة بالزيتون للي داقو يشكر

دجاجة محمرة بمريقة خاترة بالزيتون للي داقو يشكر

الطريقة بالتفصيل:

خاص تكون الدجاجة مغسولة مزيان بالملح الخل و الحامض و نخلوها تسقطر مزيان
نوجدو شرمولة درت 5 ضروس الثوم و شوية الملح و دقيتهوم مزيان فالمهراز
من بعد ضفت م ص سمن خرقوم و سكين جبير و شوية ابزار خلطت و د هنت بيهوم الدجاجة من الداخل و من برا و تحت الجلد مزيان باش تجي بنينة و دخلتها للثلاجة باتت فيها
الغد درت بصلة كبيرة مقطعة1 م ك زيت و 1 م ك سمن 2 ضروس توم محكوكين قزبر و معدنوس مقطعين فكوكوت و حطيت عليهوم الدجاجة و خليت داكشي يتحمر على عافية مهيلة من بعد رويت و خليتها طيب بلا مانقفل الكوكوت كتسد و تخليها منفسة شوية من واحد الجهة خليتها طابت 45 د تقريبا على عافية متوسطة
من بعد حيدتها و خليتها تبرد بوحدها و خليت المريقة طيب باش تختر و توقف
فاش بردات الدجاجة مزيان دهنتها بالزبدة مزيآان و دخلتها للفران تحمرات من كل الجوانب
المرقة ضفت ليها الزيتون مقطع و الحامض مصير و شوية عصير الحامض شي 5 دقايق قبل مانطفي عليها